«Хуросон» «Хандаборон»-ро ба нашр расонд

Душанбе, 11.07.2015. (АМИТ «Ховар», Ситораи Боймурод).- Тибқи иттилои Хадамоти матбуоти раиси вилояти Суғд, китоби нави нависанда ва журналисти тоҷик Бобоҷон Икром таҳти унвони «Хандаборон» тавассути нашриёти «Хуросон»-и шаҳри Хуҷанд ба нашр расид.
Гуфта мешавад, ки китоб аз бобҳои «Шакарханд аз ҳаёти адибон», «Дарро задам, девор кафид», «Ришханд» ва «Ханда ҷилои андеша аст» иборат аст.
Мавриди зикр аст, ки аз ин қабл китобҳои нависандаи тоҷик бо номҳои «Ашки сӯзон», «Хотираҳои офтобӣ», «Ҷаҳон тан асту Тоҷикистон ҷон», «Ситораҳо ҳам мегирянд», «Хайём ва Путин» ба нашр расидаанд.