Ифтитоҳи нахустин майдони картинг дар Хоруғ
Хоруғ, 30.07.2015. (АМИТ «Ховар», Файз Мирҳасан).-Бори нахуст дар шаҳри Хоруғ маҳфили картингбозӣ роҳандозӣ шуд. Карт як намуди мошини хурди варзишӣ буда, бори нахуст онро дар Амрико ихтироъ кардаанд.Сардори бошгоҳи техникию варзишии вилоят Зафар Имомдодов гуфт, ки бо дастури Президенти кишвар ба бошгоҳи мо 5 мошини навъи карт ва ҳамин миқдор либосҳои махсуси варзишӣ такдим шуданд.
Бошгоҳи техникию варзишии вилоят ба мақсади ташкили маҳфили картингбозӣ майдончаеро дар мавзеи Бизмич ба иҷора гирифта, онро асфалтпӯш намуд. Устои бошгоҳи мазкур Спинёр Алиёров бо изҳори минатдорӣ аз Сарвари давлат аҳамияти ин намуди маҳфилро барои рушди барвақтии кӯдакону наврасон муҳим арзёбӣ намуда, изҳор дошт, ки онҳо дар оянда бидуни мушкил мошинҳои мухталифтамғаро идора карда метавонанд. Барои ҷавонони то синни даъватӣ дар бошгоҳи техникию варзиши омузиши касби ронандагӣ ройгон ба роҳ монда шудааст ва имсол бештар аз 50 нафар соҳиби шаҳодатномаи ронандагӣ шуданд.
Таърихи мухтасари ба вуҷуд омадани картҳо чунин аст: Дар аввали солҳои чилуми асри гузашта сарнишинони тайёраҳои ҳарбӣ дар кишвари Амрико хангоми интиқоли бомбаҳо ба назди тайёра аз ароба истифода мекарданд, ки ин муҳлати зиёдро талаб мекард. Бо мурури замон ин сарнишинон барои кашондани бомба мошини хурдеро ихтироъ карданд, ки баъдан ҳам дар миёни кӯдакону наврасон ва ҳам калонсолон ҳаводорони зиёдро пайдо намуд. Ҳоло бештар аз 100 ширкати мошинсозӣ дар ҷаҳон ба тавлиди карт машғул мебошанд.
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
