Имзои 20 созишномаи ҳамкорӣ дар доираи ярмаркаи «Суғд — 2015»
Хуҷанд, 27.07.2015. (АМИТ «Ховар»).- Тавре ки аз хадамоти матбуоти раиси вилояти Суғд иттилоъ доданд, 25 июл зимни як нишасти матбуотӣ аз Ярмаркаи минтақавии савдо «Суғд — 2015» натиҷагирӣ шуд. Ярмарка рӯзҳои 24-25-уми июли соли равон дар Қасри варзишии шаҳри Хуҷанд ҷараён гирифта, дар он намояндагони 17 кишвари ҷаҳон ва 14 созмони байналмиллалӣ иштирок намуданд. Муовини раиси вилоят Анвар Яъқубӣ изҳор дошт, ки баргузории ярмарка тавонист роҳи бозорҳои ширкатҳои ватаниву хориҷиро фарох намуда, барои пайдо намудани шарикони истеҳсолӣ шароит фароҳам оварад, зеро дар ин ярмарка 110 корхонаву ширкат ва 150 хоҷагии деҳқонӣ ширкат варзида, соҳибкорони тоҷик маҳсулоти худро ба намоиш ва фурӯш гузошта, бо ҳамтоёни хориҷии худ мулоқот анҷом доданд.
Ҳамзамон Анвар Яъқубӣ ёдовар шуд, ки дар Қасри Арбоб дар доираи Ярмаркаи минтақавии савдо «Суғд — 2015» Форуми чоруми минтақавии тиҷоратию сармоягузорӣ дар мавзӯи «Неруи содиротӣ ва рушди савдои байналмилалӣ» баргузор гардид.
Дар доираи Ярмаркаи минтақавии савдо «Суғд — 2015» миёни соҳибкорони тоҷик ва соҳибкорони хориҷӣ дар маҷмӯъ беш аз 20 созишнома ва шартномаи ҳамкорӣ ба имзо расонида шудааст. Зикр гардид, ки ин ташаббусҳои созанда дар оянда ба нафъи ҷонибҳо буда, дар рушди иқтисодиёти кишварҳо таъсири амиқи худро мерасонад.
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
