Кӯлоб: моҳиҳо чаро талаф меёбанд?

Кӯлоб, 27.07.2015. (АМИТ «Ховар», Сулаймони Хол).- Дар ноҳияи Кӯлоб ҳоло 16 хоҷагии моҳипарварӣ фаъолият мекунад ва тибқи маълумоти Раёсати кишоварзии ноҳия дар панҷ моҳи соли равон 76, 5 тонна гӯшти моҳӣ истеҳсол шудааст. 
Хоҷагии моҳипарварии «Эмом аскара» истеҳсолкунандаи асосии моҳӣ мебошад. Бо сабабҳои номаълум дар хавзи якуми ин хоҷагӣ қисми зиёди моҳиҳо талаф ёфтааст, ки ин ба хоҷагӣ зарари ҷиддӣ расонид. Тавре ки Насим Абдулазизов, саҳмдори хоҷагӣ иброз дошт, мутахассисон талафи моҳиро аз сабаби гарм шудани ҳаво ва нарасидани оксиген дар об медонанд.