Кӯлоб: Таъмини заминҳо бо оби полезӣ

Душанбе,  22.07.2015 (АМИТ «Ховар», Рафоати Абдулҳамид).- Дар навоҳии минтақаи  Кӯлоб 85 ҳазору 732 гектар замини обёришаванда мавҷуд аст.  Соли  равон  барои обёрӣ кардани 60 ҳазору 493 гектар замини обёришаванда бо шаҳрвандон  аз ҷониби Иттиҳодияи беҳдошти замин  ва  обёрӣ дар минтақа ва идораҳои зертобеи он шартнома баста шуд.  Аз  миқдори умумии  заминҳои обёришаванда 13 ҳазору 302 гектари он тавассути пойгоҳҳои обкашӣ,  ки  шумораи  умумии онҳо 36  ададро  ташкил мекунад, бо оби  полезӣ таъмин  мешавад.