«Кадбонуи беҳтарин»-озмун барои занону духтарони ҷавон

Тавилдара, 25.07.2015. АМИТ «Ховар», Зебо  Давлатзода).- Соли  2015-ро  соли  оила  эълон  намудани  Сарвари   давлат дар  тамоми  кишвар  дастгирӣ ёфта, дар робита ба он чорабиниҳои зиёд амалӣ гардонида мешаванд.   
Ба  гуфтаи  сардори бахши  занон  ва  оилаи  назди  мақомоти  ноҳия   Сабоҳат   Тоҳирова,  дар  давоми  6 моҳи  соли   равон  бо  дастгирии  мақомоти  ноҳияи Тавилдара  дар  5  ҷамоати  деҳот  бахшида  ба   соли  оила-2015  озмунҳои зиёд   гузаронида   шуданд, аз ҷумла озмуни «Кадбонуи беҳтарин», ки дар он занону духтарони ноҳия иштироки фаъол доштанд.
Мақсад  аз  баргузории    озмунҳо  миёни  бонувон-ин  фаҳмонидани   ҳаёти   оилавӣ, ба  зиндагии   мустақилона  омода  намудани  бонувон, пешгирии пошхӯрии  оилаҳои  ҷавон, инчунин  аз  зиндагии  ибратбахши  оилаҳои  намунавӣ  панд  гирифтани   бонувони  ҷавон мебошад.