Конфронси байналмилалии илмӣ- амалӣ дар ДТТ

Июль 4, 2015 06:33

 Душанбе, 04.07.2015. (АМИТ «Ховар», Раъно Нусратуллозода).-3-4 июли соли 2015 дар Донишгоҳи Техникии Тоҷикистон ба номи Муҳаммад Осимӣ таҳти унвони «Бехатарии ҳаракат ва  фаъолияти инноватсионӣ дар      соҳаи нақлиёт»  конфронси илмӣ-амалӣ баргузор гардид. Дар конфронси мазкур, ки ба ҳаёт ва фаъолияти докторони илм, профессорон А.М. Оев, О.К. Сангинов ва А.А. Турсунов бахшида шуд, натиҷа ва дастовардҳои илмӣ- амалӣ ва саҳми арзандаи устодон дар ташкили кор, идораи фаъолияти нақлиёт, масъалаҳои рушди роҳдорӣ, таъмини бехатарии нақлиёт  ва дигар масъалаҳо мавриди омӯзиш ва таҳлил қарор гирифтанд. Дар ҷараёни конфронс ҳолатҳои воқеии бехатарии ҳаракат ва  фаъолияти инноватсионӣ дар нақлиёт ва роҳҳо ҳаматарафа таҳлил  шуданд. Аз ҷумла раиси Кумитаи Маҷлиси намояндагони Маҷлиси Олии Ҷумҳурии Тоҷикистон Лутфия Раҷабова, ректори ДТТ ба номи М. Осимӣ  Ҳайдар Одинаев, муовини вазири нақлиёти Ҷумҳурии Тоҷикистон Сӯҳроб Мирзоев, профессор Нодир Одилов ва дигарон оид ба ҳаёт ва  фвъолияти пурсамари аввалин доктори илмҳои техникӣ оид ба рушди нанотехнология дар Ҷумҳурии Тоҷикистон профессор Абдулҳақ Оев ибрози назар карда, таъкид карданд, ки маҳз профессор Оев  тавонист дар як муддати кӯтоҳ оид ба инноватсия дар техникаи сохтмони роҳсозӣ, бехатарии сохтмон ва истифодаи иншооти нақлиётӣ, истифодаи битум ва тақвияти он дар роҳҳои Ҷумҳурии Тоҷикистон, масолеҳ ва технологияи ҷадид дар сохтмони роҳҳо  ва дигар мавзуъҳои муҳим, ки имрӯз дар  нанотехнологияи  ҷаҳонӣ васеъ истифода мешаванд, корҳои илмӣ нависад ва барои истифода васеи онҳо дар истеҳсолот ҳуҷҷатҳои корбарӣ гирифт. Имрӯзҳо мувофики корҳои илмии доктори илмҳои техникӣ, профессор Абдулҳақ Оев дар шаҳру ноҳияҳои Ҷумҳурии Тоҷикистон 5 корхонаи бузурги истеҳсоли асфалт фаъолият дорад ва ин корхонаҳо дар рушди инфрасохтори мамлакат таъсири муассир доранд.
 Дар конфронси байналмилалӣ инчунигн дар мавриди  фаъолияти профессорон А.А.  Турсунов ва О.К. Сангинов мубодилаи афкор сурат гирифта, таъкид гардид, ки аз рӯи корҳои илмии ин олимони тоҷик на танҳо дар Чумҳурии Тоҷикистон, балки дар хориҷи кишвар- шаҳрҳои Маскав, Санкт-Петербург, Алмаато, Бишкек низ тадқиқоти илмӣ гузаронида шуда, пешниҳодҳои онҳо дар истеҳсолот васеъ истифода мешаванд.

Июль 4, 2015 06:33

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд