Корхонаи истеҳсоли маҳсулоти сохтмонӣ дар Темурмалик

Темурмалик,  27.07.2015. (АМИТ «Ховар», Сулаймони Хол).- Дар ноҳияи Темурмалик аз ҷониби ширкати «Строй-сервис Фикс» корхонаи истеҳсоли маҳсулоти сохтмонӣ ба фаъолият шурӯъ намуд. Маҳсулоти корхонаи мазкур ҷавобгӯ ба меъёрҳои аврупоӣ буда, нархи он нисбат ба маҳсулоти аз хориҷи кишвар воридшаванда  35-40 дарсад арзон мебошад.  
Тавре ки корманди корхонаи мазкур  Фаррух Исматуллоев гуфт, дар  корхонаи истеҳсоли масолеҳи сохтмонии «Строй-сервис Фикс» даҳ  номгӯй масолеҳи муосири сохтмонӣ мутобиқ ба меъёрҳои аврупоӣ истеҳсол мешавад. 
Ба гуфтаи мавсуф, 80 фисади ашёи хоми маҳсулот аз дохили кишвар ва ҳамагӣ 20 фоизи дигар аз хориҷи мамлакат дастрас  мешавад. Таҷҳизоти корхона аз ширкатҳои Туркия харид ва насб шудаанд. 
Ҳамзамон дар корхона кор дар як баст ба роҳ монда шуда, ҳамарӯза беш аз даҳ тонна маҳсулот истеҳсол мегардад. Роҳбарияти корхона мақсад доранд дар оянда бо дастрас намудани таҷҳизот фаъолияти корхонаро васеъ ва шумораи коргаронро як баробар афзоиш диҳанд.