М.Убайдуллоев: «Мо аз дастовардҳои Эрон хушнуд ҳастем»
Душанбе,29.07.2015.(АМИТ «Ховар», Марзия Саидзода).-«Мо аз дастовардҳо ва афзудани нуфузи Ҷумҳурии Исломии Эрон ҳамеша хушнуд ҳастем»,- гуфт Маҳмадсаид Убайдуллоев-раиси Маҷлиси миллии Маҷлиси Олии Ҷумҳурии Тоҷикистон зимни мулоқот бо доктор Ғуломалӣ Ҳаддоди Одил — раиси комиссияи Маҷлиси Шӯрои Исломӣ, раиси Фарҳангистони забон ва адаби форсии Ҷумҳурии Исломии Эрон.
Маҳмадсаид Убайдуллоев ташрифи ҳайати эрониро ба Тоҷикистон таҳти роҳбарии Ғуломалӣ Ҳаддоди Одил ҷиҳати густариши робитаҳои мутақобилан судманди Маҷлиси миллии Маҷлиси Олии Ҷумҳурии Тоҷикистон ва Маҷлиси Шӯрои Исломии Ҷумҳурии Исломии Эрон нек арзёбӣ намуд. Раиси Маҷлиси миллӣ зикр кард, ки ҳарду кишвари дӯст имкон доранд дар марҳилаи феълии муносибатҳо аз имконоти мавҷуда истифода намуда, амалисозии барномаҳои муштараки парлумонӣ ва иқтисодию тиҷоратиро таҳким бахшанд. М. Убайдуллоев таъкид кард, ки Маҷлиси миллӣ бо Маҷлиси Шӯрои Исломӣ доимо дар робита буда, баҳри густариши робитаҳои байнипарлумонӣ тадбирҳои судманд меандешад.
-Дар ин самт нақши гурӯҳҳои дӯстӣ ва ҳамкории ҷонибҳо муассир буда, итминони комил дорем, ки саҳми он дар оянда боз ҳам тақвият хоҳад ёфт,- гуфт раиси Маҷлиси миллӣ.
Доктор Ғуломалӣ Ҳаддоди Одил дар навбати худ ба сатҳи ҳамкории дуҷонибаи Тоҷикистону Эрон, хусусан муносибатҳои байнипарлумонӣ баҳои баланд дод. Мавсуф афзуд, ки Эрон омода аст дар тамоми соҳаҳо бо Тоҷикистон ҳамкории судманд дошта бошад.
Мулоқот дар фазои дӯстона ва ҳусни тафоҳум ҷараён гирифт.
Бояд тазаккур дод, ки Ғуломалӣ Ҳаддоди Одид ҷиҳати ширкат дар конфронси байналмилалии марбут ба масъалаҳои истилоҳот ва вожасозӣ бо сафари корӣ ба Душанбе ташриф овардааст.
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
