Маҳсулоти ҳунарҳои дастии Тоҷикистон ба Франкфурт меравад

Июль 31, 2015 10:28

Душанбе, 31.07.2015 (АМИТ «Ховар», Фарзонаи Давлат).- Имрӯз, 31-уми июл, дар як давраи омӯзишие дар шаҳри Душанбе намояндагони  Тоҷикистон дар намоишгоҳи Франкфурт бо роҳҳои омодагӣ ба намоишгоҳ ва иштироки фаъолу манфиатнок дар он  шинос шуданд. Намояндагони Иттиҳоди ҳунармандони Тоҷикистон, ширкатҳои “Рухом”, “Умед”, “Суман”, “Мумтоз”, Ҷаҳоннек” ва “Озара” дар давраи омӯзишӣ иштирок карданд. 
Ин бори дуюм аст, ки маҳсулоти ҳунарҳои дастии Тоҷикистон дар намоишгоҳи маъруфи байналмилалии молҳои истеъмолӣ — Ambiente, ки аз 12-ум то 16-уми феврали соли оянда дар шаҳри Франкфурти Олмон баргузор мегардад, ба намоиш гузошта мешавад. 
Маркази тиҷорати байнулмилалӣ (МТБ) ба истеҳсолкунандаҳои маҳсулоти дастии Тоҷикистон ҷиҳати омодагии ҳамаҷониба ба намоишгоҳи байналмилалии Ambiente дар шаҳри Франкфурти Олмон ёрӣ мерасонад. 
Ёдрас мешавем, ки ҳамасола дар намоишгоҳи Ambiente 4700 ширкат аз  90 кишвар ва тақрибан 145 ҳазор меҳмон аз 160 кишвари ҷаҳон иштирок мекунанд. Дар ҷараёни он чандин чорабинии дигар гузаронида мешавад, ки дар онҳо равандҳои тозатарини соҳаи саноат ба маъраз гузошта шуда, ҳамчунин имконияти барқарор кардани тамосҳои нав фароҳам меояд.

 

 

 

 

 

Июль 31, 2015 10:28

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд