Мулоқот дар доираи Ярмаркаи минтақавии савдо «Суғд — 2015»

Хуҷанд, 25.07.2015. (АМИТ «Ховар»).-Тавре ки аз хадамоти матбуоти раиси вилояти Суғд иттилоъ доданд,  дар доираи баргузории Ярмаркаи минтақавии савдо «Суғд — 2015», ки бо иқдоми Мақомоти иҷроияи ҳокимияти давлатии вилояти Суғд 24-25 июл дар шаҳри Хуҷанд  баргузор мегардад, мулоқоти соҳибкорони шаҳри Хуҷанд бо роҳбарияти корхонаҳои бонуфуз ва шаҳрдории шаҳри Могилеви Ҷумҳурии Беларус баргузор гардид. Дар мулоқот ҳамчунин соҳибкорони маркази вилоят,ки дар соҳаҳои сохтмон, коркард ва истеҳсоли маҳсулоти ширӣ, нону қаннодӣ, чӯбу тахта, алюминӣ, дӯзандагӣ, ресандагӣ фаъолият доранд, ширкат намуданд.
Пас аз мулоқот ҳайати соҳибкорони Беларус ба гурӯҳҳо тақсим шуда, барои идомаи гуфтугунид, шиносоии бевосита ва баррасии ҳамкорӣ аз якчанд коргоҳи истеҳсол ва коркарди чӯбу тахта, маҳсулоти ордию қаннодӣ, хӯрокҳои миллӣ ва ширкатҳои сохтмонии шаҳри Хуҷанд дидан карданд.