Намоиши минтақавии савдо «Суғд-2015»
Хуҷанд, 24.07.2015. (АМИТ «Ховар», Самад Юсуфӣ).-24-25 июл дар шаҳри Хуҷанд Намоиши минтақавии савдо «Суғд-2015» бори дуввум баргузор мегардад, ки истеҳсолкунандагони маҳаллӣ имкон доранд маҳсулоти тавлидотии хешро пешкаши зиёда аз 300 намояндагии олами тиҷорат аз 17 кишвари хориҷии дуру наздик намоянд.
Ҳамзамон дар ҷараёни намоиши мазкур дар шаҳри Хуҷанд ҳамоиши чорумини байналмилалии тиҷорат ва сармоягузорӣ таҳти унвони «Имкониятҳои содиротӣ ва рушди савдои байналмилалӣ» доир шуда, дар кори он намояндагон аз 14 созмони ҷаҳонӣ, мақомоти иҷроияи ҳокимияти давлатии маҳалии шаҳру навоҳии вилояти Суғд ва кормандони васоити ахбори умум иштирок меварзанд.
Дар намоиш маҳсулоти тайёри соҳоти саноати сабук, бофандагӣ ва сохтмон ба намоиш гузошта мешаванд. Бори нахуст иштирокдорони чорабинӣ имконият доранд бо маҳсулоти зиёд ва гуногуни ҳунармандони халқӣ ошно шаванд.
Соли равон дар ин намоиш дар баробари истеҳсолкунандагони шимоли мамлакат маҳсулоти самти коркарди хӯроквории соҳибкорони вилояти Хатлон ва навоҳии тобеи марказ низ пешниҳод хоҳанд шуд.
Ҳадаф аз намоиши маҳсулот ва ҳамоиши байналмилалӣ ҳарчи бештару тезтар муҳайё кардани шароити ҳамкорӣ бо истеҳсолкунандагони ширкатҳои гуногуни ҷаҳонӣ дар заминаи узвият дар Созмони умумиҷаҳонии савдо мебошад.
Имрӯз дар доманакӯҳҳои Тоҷикистон ҳаво то 37 дараҷа гарм мешавад
Имрӯз дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
