Намояндаи Раёсати СММ: Ҳамкорӣ бо СҲШ-ро хеле хуб қадрдонӣ мекунем
Душанбе, 8.07.2015. (АМИТ «Ховар»,).-Муовини дабири кулли СММ оид ба масъалаҳои сиёсӣ Ҷеффри Фелтман ин созмони ҷаҳониро дар ҳамоиши навбатии сарони давлатҳои аъзои СҲШ, ки дар шаҳри Уфаи ФР сурат мегирад, намояндагӣ мекунад. Дар ин бора ба хабаргузории ТАСС сухангӯи муовини дабири кулли СММ Фарҳон Ҳақ иттилоъ додааст. Ҳафтаи гузашта таҳти роҳбарии Раёсати СММ оид ба масъалаҳои сиёсӣ нишаст баргузор гардид, ки дар он масъалаи ҳамкорӣ бо СҲШ мавриди баррасӣ қарор гирифт. Тавре ки дар хабар омадааст: СҲШ шарики боэътимод барои СММ маҳсуб мешавад, аз ин хотир ҳамкориро бо ин созмон, хусусан дар самти дарёфти ҳалли муноқишаҳо ва пешгирии низоъҳо боз ҳам бештар тақвият мебахшанд. Миёни мо (СММ ва СҲШ) муҳимтарин масъалаҳо, аз ҷумла вобаста ба амалиёти неруҳои посдори сулҳ, мусоидат ба фаъолияти худ, инчунин баҳогузорӣ оид ба вазъи минтақа пайваста мукотибот сурат мегиранд. Мо ин ҳамкориро хеле хуб қадрдонӣ мекунем, изҳор доштааст намояндаи Раёсати СММ оид ба масъалаҳои сиёсӣ Франтсеск Кларет.
Ҳамоиши навбатии сарони давлатҳои аъзои СҲШ рӯзҳои 9-10-уми июл дар шаҳри Уфаи ФР баргузор мегардад. Интизор меравад як зумра қарорҳои муҳим, аз ҷумла барномаи маҷмӯии рушди созмон то соли 2025 қабул гардад ва ҷараёни пайвастани Ҳиндустону Покистон ба созмони мазкур мавриди баррасӣ қарор гирад.
Дар айни замон аъзои СҲШ — Русия, Ҷумҳурии мардуми Чин, Тоҷикистон, Қазоқистон, Қирғизистон ва Ӯзбекистон ба шумор рафта, Ҷумҳурии Исломии Афғонистон, Ҳиндустон, Ҷумҳурии Исломии Эрон, Ҷумҳурии Исломии Покистон ва Муғулистон мақоми нозир ва Беларус, Туркия, Шри-Ланка шарикони гуфтугӯ дониста шудаанд.
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
