Натиҷагирӣ аз фаъолияти шашмоҳаи мақомот дар Ваҳдат

Июль 23, 2015 12:33

Ваҳдат, 23.07.2015. (АМИТ «Ховар», Субҳониддини Маҳмуд).- 22 июли соли равон дар шаҳри Ваҳдат  нишасти  матбуотии  мақомоти намояндагӣ ва  иҷроияи маҳаллии  ҳокимияти давлатии  шаҳр  баргузор гардид, ки дар он раиси шаҳри Ваҳдат Амирзода Раҳмоналӣ Амир оид ба ҷамъбасти  фаъолияти  мақомоти  давлатӣ  дар иҷрои  нақшаҳо  ва барномаҳои тараққиёти иҷтимоию иқтисодии шаҳри Ваҳдат  дар шашмоҳаи якуми соли 2015   гузориш дод. 
 Ба гуфти раиси шаҳр сохтмончиён дар ин давра  фаъолияти хуб нишон дода,  ба маблағи 88 миллиону 89 ҳазор сомонӣ  корҳои пудратиро  ба анчом расониданд, ки дар муқоиса  нисбат ба ҳамин давраи соли гузашта 4,6 маротиба зиёд мебошад. Ҳоло дар ҳудуди шаҳр  сохтмони биноҳои истиқоматии  13 ошёна дар кӯчаи Рӯдакӣ,  биноҳои 26 ошёна дар маҳаллаи Роҳатӣ,  мактаб дар деҳаи Яфрак, хобгоҳ барои омӯзгорон дар деҳаи Варваи  ҷамоати деҳоти Ромит,  варзишгоҳ барои 25 ҳазор ҷои нишаст ва васеъшавии роҳи кӯчаи  Сомониён идома дорад. Дар ин давра бинои нави шуъбаи Вазорати корҳои дохилӣ дар деҳаи Тангаӣ мавриди истифода қарор дода шуд.
 Инчунин раиси шаҳр зикр намуд, ки бо мақсади  шомил нашудани ҷавонон  ба ҳаракату созмонҳои ифротию террористӣ ва экстремистӣ,  аз байн бурдани  тамоюлҳои бегонапарастӣ  ва тақлид  ба фарҳангу либоспӯшии ғайримиллӣ  дар байни донишҷӯён ва ҷавонони  ҷамоатҳои шаҳру деҳот корҳои фаҳмондадиҳӣ гузаронида шуданд.
Дар нишасти матбуотӣ  ба саволи хабарнигори АМИТ Ховар, ки то имрӯз чанд нафар ҷавони шаҳри Ваҳдат ба  Сурия рафтааст, раиси  шаҳр ҷавоб дод, ки аз шаҳри Ваҳдат дар чангҳои Сурия 30 нафар иштирок дорад ва 8 нафарашо то имрӯз кушта шудааст. Ҳамчунин 2 ташвиқотгар ва ҷалбкунанда дар ҳудуди шаҳр  аз тарафи мақомоти ҳифзи ҳуқуқ дастгир шуд ва нисбат ба онҳо парвандаи ҷиноятӣ оғоз гардидааст.

Июль 23, 2015 12:33

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд