Овозхони «Шашмақом» дар «Таронаҳои Шарқ-2015» иштирок менамояд

Душанбе, 06.07.2015.(АМИТ «Ховар», Марзия Саидзода).- Панҷ мутриб ва Ситораи Кароматулло -овозхони Ансамбли давлатии «Шашмақом»-и назди Кумитаи телевизион ва радиои ҷумҳурӣ дар даҳумин Фестивали байналмилалии мусиқии «Таронаҳои Шарқ-2015», ки охири август дар майдони Регистони Самарқанд доир мегардад, ширкат меварзанд.
Фестивали мазкур дар ду сол як маротиба таҳти сарпарастии ЮНЕСКО ва Президенти Ӯзбекистон, инчунин бо мусоидати Вазорати фарҳанг ва варзиш, ширкати миллии радио ва телевизиони Ӯзбекистон ва Иттифоқи оҳангсозони ин кишвар гузаронида мешавад.
Ҳадафи Фестивали мусиқии байналмилалии «Таронаҳои Шарқ-2015» муаррифии дастовардҳои мусиқии миллӣ, ҳифз ва рушди мусиқиии суннатии мардумони машриқзамин, инчунин таҳкими ҳамкории фарҳангӣ байни кишварҳо арзёбӣ мегардад.