Парвина Абдулоева бо 3 фарзанд худро ба канали Ҳисор партофт

Душанбе, 06.07.2015. (АМИТ «Ховар», Лайло Тоирӣ).-4 июл  соати 21:18 истиқоматкунандаи ноҳияи Сино-2,кўчаи Испечак-2  Абдулоева Парвина Аскаровна, соли таваллудаш 1978, худро бо 3 фарзандаш  ба канали Ҳисор, воқеъ дар кўчаи Ҳаёти Нави ноҳияи Сино партофтааст.
            Дар натиҷа Парвина Абдулоеваро сокинони маҳаллӣ наҷот дода, фарзандонаш Бобоев Зиёвиддин Давронович, соли таваллудаш 2008, Бобоева Маҳина Давроновна, соли таваллудаш 2009, Бобоева Омина Давроновна, соли таваллудаш 2010 ғарқ шуда, ба ҳалокат расидаанд.
       Бино ба иттилои котиби матбуотии Кумитаи ҳолатҳои фавқулода ва мудофиаи гражданӣ Ориф Нозимов, ҷасадҳои кӯдакони фавтида аз тарафи  Дастаи зудамали наҷотдиҳии Ситод оид ба ҳолатҳои фавқулода ва мудофиаи граждании шаҳри Душанбе  дарёфт  гардида, ба хешовандонаш  супорида шуданд.
      Сабаби ҳодисаи рухдода аз тарафи мақомоти дахлдор муайян мешавад.