«Парвози шоҳин», «Санъати сухан», «Имшаб»- лоиҳаҳои нави эҷодӣ

Душанбе, 10.07.2015. (АМИТ «Ховар», Ситораи Боймурод).- Аз идораи барномаҳои фарҳангӣ-фароғатӣ дар тӯли шаш моҳи охир ба ҷуз барномаҳои анъанавии «Муд», «Адиб ва ҷомеа», «Кошона», «Самт» лоиҳаҳои нави эҷодӣ- «Парвози шоҳин», «Санъати сухан», «Этикет», «Имшаб» омода шуданд, ки шаклу услуби тоза доранд. Инчунин, аз идораи барномаҳои ҷавонӣ, варзиш ва сайёҳӣ ба ҷуз барномаҳои пешинаи «Бозтоби пешина», «Шарҳи футбол», «Пайки олимпӣ» лоиҳаҳои нави «Ҷасорат», «Роҳи шаб», «Тамошо» манзур шуданд, ки масъалаҳои асосии идора- сиёсати давлатии ҷавонон, тарғиби мавзеъҳои сайёҳӣ ва рӯйдодҳои варзиширо пурра фаро мегиранд,- зикр кард раиси Кумитаи телевизион ва радио Пирзода  Маҳмадсаид имрӯз зимни нишасти хабарӣ.