Р. Раҳимзода Ҷоми вазоратро ба дастаи фаъоли деҳоти Язғулом супорид

Душанбе, 27.07.2015 (АМИТ «Ховар», Лайло Тоирӣ).- Дирӯз вазири корҳои дохилӣ  Раҳимзода Рамазон Ҳамро  зимни сафари корӣ ба ВМКБ дар деҳоти Язғуломи ноҳияи Ванҷ бо мардуми деҳот, ҷавонон ва варзишгарони номии ин диёри зебоманзари кӯҳистон вохӯрӣ доир намуда, аз  аҳвол ва мушкилоти онҳо пурсон шуд.
Зикр гардид, ки аз ҷониби Президенти кишвар ба ҷавонону варзишгарон таваҷҷуҳи хосса зохир гардида, барои донишомӯзӣ ва тамрини онҳо тамоми шароити зарурӣ муҳайё мешавад.
Ҷавонону варзишгарони деҳоти Язғулом барои дарёфти «Ҷоми Вазири корҳои дохилӣ» ҷидду ҷаҳд намуда, ғолиби мусобиқа гардиданд.
Вазири корҳои дохилӣ Раҳимзода Рамазон Ҳамро дар фазои тантанавӣ «Ҷоми Вазири корҳои дохилии Ҷумҳурии Тоҷикистон»-ро ба дастаи фаъоли деҳоти Язғулом супорида, ба онҳо барору комёбиҳо таманно намуд.