РОТ: дар нимаи аввали соли 2015 вуруди амвол ба Тоҷикистон коҳиш ёфт

Душанбе,  22.07.15. (АМИТ «Ховар», Марҳабои  Азамат). — Роҳи —  оҳанчиёни  Тоҷикистон дар  нимаи  аввали  соли  равон 126  ҳазору  380  тонна  маҳсулоти  кишоварзиро судур  намуданд, ки назар ба  ҳамин  давраи  соли гузашта баробари  27  ҳазору  535  тонна  зиёд  аст. 
Тавре  ки  муовини  якуми  сардори Муассисаи  воҳиди  давлатии «Роҳи оҳани  Тоҷикистон»  Баҳром  Шодиев  дар  ҷараёни  нишасти  матбуотӣ изҳор  дошт, афзоиши интиқоли  маҳсулоти  кишоварзӣ  аз  ҳисоби афзоиши  судури  пиёз, турб ва  сабзӣ сурат гирифт. 
«Вуруди  амвол 1  миллиону 919  ҳазор  тоннаро  ташкил  дод, ки  назар  ба  ҳамин  давраи  соли гузашта  баробари  234 ҳазор тонна  кам  аст. Ҳаҷми воридот назар  ба  содирот баробари  1  миллиону  612  ҳазор тонна, ё  6,3  баробар  зиёд  буд», — афзуд Баҳром  Шодиев.