Сӯхтор дар мағозаи фурӯши таҷҳизоти техникӣ

Душанбе, 10.07.2015. (АМИТ «Ховар», Раъно Нусратуллозода).-9 июл  дар мағозаи фурӯши таҷҳизоти техникии “Медиа”, воқеъ дар назди шоҳроҳи Хуҷанд-Ғафуров, ки ба соҳибкор, сокини 28-солаи ноҳияи  Б.Ғафуров тааллуқ дорад, дар масоҳати 95 метри мураббаъ сӯхтор ба амал омадааст. 
Тибқи иттилои ВКД ҶТ сабаби сар задани сӯхтор расиши кӯтоҳи ноқилҳои барқӣ мебошад. Зарари расонидашуда 150 ҳазор сомониро ташкил медиҳад.
Ҳамчунин дар ин рӯз коҳдонхонаи ҳавлии истиқоматии марди 47-солаи сокини ноҳияи Восеъ дар масоҳати 60 метри мураббаъ оташ гирифтааст. Сабаби сар задани оташ расиши кӯтоҳи ноқилҳои барқӣ мебошад. Зарари расонидашуда 1 ҳазору 800 сомониро ташкил медиҳад.