Садамаи ҳалокатовар дар ноҳияи Ҷаббор Расулов

Ҷ. Расулов, 10.07.2015. (АМИТ “Ховар”, Абдуаҳад Шарифзода).-Дар вилояти Суғд боз як ҳолати садамаи нақлиётӣ бо марги шаҳрванд ба қайд гирифта шуд.  Тавре  ки ба АМИТ “Ховар” сардори ШКД-и ШВКД-и ҶТ дар ноҳияи Ҷаббор Расулов, майори милиса  Убайдулло Ёқубов хабар дод, шоми 8 июли соли ҷорӣ, тахминан соатҳои 21:30 дақиқа зимни ҳаракат дар шоҳроҳи Душанбе-Хуҷанд-Чаноқ ронандаи мошини  тамғаи “Мерседес-бенс”, сокини 61-солаи  ҷамоати Деҳмойи ноҳияи Ҷаббор Расулов Холмамад Жомахмедов, дар километри 284-уми  ҳудуди ҷамоати Деҳмой  аз уҳдаи идораи воситаи нақлиёт набаромада, ба тарафи роҳи пиёдагард баромада, дар натиҷа сокини ҳамин ноҳия пиёдагард Маҳлиё Орипова, с/т 1985, корманди ҶДММ “АЭРС-Плазма”, ки  он лаҳза дар канори рости роҳ дар назди мошини худ “Опел-астра” қарор дошт,  ӯро пахш намуд, ки дар натиҷа охирин аз ҷароҳатҳои ҷисмонии бардошта дар ҷои ҳодиса ба ҳалокат мерасад.   
Оид ба ҳодисаи мазкур тафтиш идома дорад.