Шаҳрванди Чин дар дарёи Сир ғарқ шуд
Душанбе, 06.07.2015. (АМИТ «Ховар», Лайло Тоирӣ).- Шаҳрванди Ҷумҳурии Мардумии Чин Линчанг, соли таваллудаш 1988, ки ҳамчун соҳибкор дар бозори «Баракат»-и ноҳияи Б.Ғафуров фаъолият менамуд, 3 июл соати 19:00 ҳангоми моҳидорӣ аз беэҳтиётӣ дар дарёи Сир, мавзеи Қўптулуқи ноҳияи Б.Ғафуров ғарқ мешавад.
Ҷасади номбурда аз тарафи Дастаи наҷотдиҳандагони Ситоди вилоятӣ 4 июл соати 14:07 аз дарёи Сир, мавзеи Қӯптулуқи ноҳия Б.Ғафуров дарёфт гардида, ба кормандони шуъбаи корҳои дохилии ноҳияи мазкур супорида шуд.
Инчунин дар ин рӯз соати 19:05 шаҳрванд Туйқулов Ғайрат Олимҷонович, соли таваллудаш 1997, истиқоматкунандаи шаҳри Қайроққум, шаҳраки Адрасмон, ҳангоми оббозӣ дар дарёи Сир дар ҷои манъшудаи мавзеи беморхонаи бемориҳои дил ғарқ мешавад.
Дастаи наҷотдиҳандагони Ситод оид ба ҳолатҳои фавқулода ва мудофиаи граждании вилояти Суғд рўзи 4 июл соати 07:25 ҷасади шаҳрванди мазкурро аз мавзеи наздик ба кўчаи Р.Набиеви ноҳияи Б.Ғафуров дарёфт намуда, ба кормандони шуъбаи корҳои дохилии шаҳри Хуҷанд супориданд.
4 июли соли равон соати 17:40 шаҳрванд Ғарибова Нуринисо Алиаҳмадовна, соли таваллудаш 1940, истиқоматкунандаи деҳаи Ванҷоб, ҷамоати деҳоти М. Абдуллоев бо сабаби касалии рўҳӣ доштан худро ба дарёи Панҷ дар мавзеи деҳаи Ванҷоб партофта, ба ҳалокат мерасад
Ҳоло кофтукоби ҷасади шаҳрванди мазкур аз тарафи аҳолии ҷамоати М.Абдуллоев идома дорад.
Дар ин бора ба АМИТ «Ховар» котиби матбуоти кумитаи ҳолатҳои фавқулода ва мудофиаи гражданӣ Ориф Нозимов хабар дод.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






