Соли хониши хонандагони синфи 1 аз 3 август оғоз мешавад
Душанбе, 31.07.2015 (АМИТ «Ховар», Ситораи Боймурод).- Шӯрӯъ аз 3-юми августи соли равон соли хониши 2015-2016 барои хонандагони синфи якум ҷиҳати омодагӣ ба мактаб оғоз мегардад.
Тавре ки дар ин бора Абдуҷаббор Алиев,сардори Раёсати таҳсилоти то мактабӣ ва миёнаи умумӣ гуфт, сабаби қабл аз ағози соли хониш даъват шудани хонандагон шиносои бо барномаи таълимӣ ва муаллимону ҳамсинфони худ мебошад.
Вазорати маориф ва илми Ҷумҳурии Тоҷикистон барои кӯдакони 6-7 сола «Барномаи омода намудани кӯдакони синни 6-7 сола ба таҳсил дар синфи 1» -ро тайёр намудааст. Ин барнома фарогири «Бахшҳои таълиму тарбия», «Ташкили ҳаёти кӯдакон», «Реҷаи намунавии рӯз», «Ташкили раванди таълим,» «Машғулиятҳо», «Инкишофи нутқ», «Омодагӣ ба саводомӯзӣ» ва «Шиносоӣ бо муҳити атроф» мебошад.
Омода намудани кӯдакон ба таҳсил қадами муҳим барои таъмини пай дар пайи таҳсилоти томактабию ибтидоӣ ва баландбардории сифати таълим мебошад. Имрӯз фоизи зиёди кӯдакон ҳатто дар дараҷаи надоштани дониши оддитарин ба синфи 1-ум қабул мегарданд, ки сабаби ба таҳсил омода набудан ва хуб нахондани онҳо мегардад.
Баъзе мавридҳо омодагии кӯдакон ба таҳсил аз ҷониби падару модар дар асоси китобҳо барои синфи якум ба амал омада, танҳо барои омӯзонидани ҳисоб ва хондан равона гардидаанд, ки ин ҳам кафолати таълими босамарро дар раванди таҳсил дода наметавонад.
Аз ин рӯ, Вазорати маориф ва илми Ҷумҳурии Тоҷикистон омода намудани кӯдакони 6-7 соларо ба синфи 1-ум ва зарур шуморида, онро тибқи Қонуни Ҷумҳурии Тоҷикистон «Дар бораи маориф» дар назди муассисаҳои таҳсилоти томактабӣ ҳатмӣ гардонид,- афзуд Абдуҷаббор Алиев.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






