Созишномаи кафолатӣ ва қарзӣ байни ҶТ ва БАТР
Душанбе, 30.07.2015. (АМИТ «Ховар», Раъно Нусратуллозода).- Имрӯз дар Вазорати молияи Ҷумҳурии Тоҷикистон Созишномаи кафолатӣ ва қарзӣ байни Ҷумҳурии Тоҷикистон ва Бонки Аврупоии Таҷдид ва Рушд (БАТР) оид ба «Лоиҳаи минтақавии интиқоли неруи барқи CASA — 1000» дар ҳаҷми 110 млн. доллари ИМА ба имзо расид.
Созишномаро аз ҷониби Ҷумҳурии Тоҷикистон вазири молияи Ҷумҳурии Тоҷикистон Абдусалом Қурбониён, раиси Ширкати саҳомии холдингии кушодаи «Барқи Тоҷик» Рустам Раҳматзода ва директори намояндагии Бонки Аврупоии Таҷдид ва Рушд дар Тоҷикистон Ричард Ҷонс ба имзо расониданд.
Ҳадафи лоиҳаи мазкур интиқоли барқи изофаи тобистонаи Ҷумҳурии Тоҷикистон ва Ҷумҳурии Қирғизистон ба Ҷумҳурии Исломии Афғонистон ва Ҷумҳурии Исломии Покистон мебошад. Ҳамчунин лоиҳа ба дарёфти механизмҳои савдои неруи барқ ва ташкили бозори минтақавии неруи барқ дар Осиёи Марказӣ ва Осиёи Ҷанубӣ (CASAREM) мусоидат хоҳад кард. Қисмати зиёди ин ташаббус ба рушди низоми фаромарзии пайвастани ин кишвар ҷиҳати интиқоли неруи барқи зиёдатӣ аз як минтақа ба минтақаи дигар вобаста мебошад.
Арзиши умумии лоиҳа зиёда аз 1 млрд. доллари ИМА-ро ташкил медиҳад. Ҳиссаи Ҷумҳурии Тоҷикистон 314 млн. долл. ИМА; Ҷумҳурии Қирғизистон 209 млн. долл. ИМА; Ҷумҳурии Исломии Афғонистон 354 млн. долл. ИМА; Ҷумҳурии Исломии Покистон 209 млн.долл. ИМА мебошад.
Барои татбиқи қисмати тоҷикистонии лоиҳа тибқи асоснокунии техникӣ-иқтисодӣ ва модели молиявии Бонки ҷаҳонӣ 314 млн.долл. ИМА лозим мебошад.
Дар марҳилаи кунунӣ бо ҷониби Бонки ҷаҳонӣ созишномаи грантӣ дар ҳаҷми 45 млн. доллари ИМА ва бо Бонки сармоягузории Аврупо Созишномаи қарзии имтиёзнок дар ҳаҷми 70 млн. евро ба имзо расонида шудааст ва саҳми Ҳукумати Ҷумҳурии Тоҷикистон дар лоиҳаи мазкур 15 млн. доллари ИМА пешбинӣ шудааст.
Дар маҷмӯъ уҳдадориҳо ба маблағи 250 млн. доллари ИМА тасдиқ шуда, барои ҷалби маблағҳои зарурии боқимонда гуфтушунид идома дорад.
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
