Суғд: дар нимсолаи аввал содиршавии ҷиноят 20% афзудааст
Хуҷанд, 13.07.2015. (АМИТ «Ховар», Абдуаҳад Шарифзода).-Нисбат ба шашмоҳаи аввали соли 2014 дар нимсолаи аввали соли ҷорӣ дар ҳудуди вилояти Суғд 20,36% ё худ 582 адад зиёд содиршавии ҷиноят ба қайд гирифта шудааст, ки дар умум он ба 3441 адад баробар аст. Дар ин замина, дар ҳамин давра кушодашавии ҷиноятҳо 91,9% (2014 — 90,7%)-ро ташкил дод. Ин нуқтаи назар имрӯз зимни баргузории нишасти хабарӣ аз ҷониби прокурори вилояти Суғд, мушовири давлатии адлияи дараҷаи-3 Ҳабибулло Воҳидов баён гашт.
Ба гуфти прокурори Суғд, зиёд ба қайд гирифтани ҷиноятҳо асосан аз ҳисоби ҷиноятҳои дорои хусусияти террористию экстремистӣ 269 адад (48), дуздӣ 533 (383), қаллобӣ 570 (332), сохтакорӣ 83 (57), расонидани зарари миёна ба саломати 62 (43) ва вайрон кардани қоидаҳои ҳаракат дар роҳ 172 (151) ба вуҷуд омадааст.
Ҳамзамон дар ин давра мақомоти прокуратураи Суғд 146 адад ҷинояти аз қайд пинҳонмондаро низ ошкор намуд, ки марбут ба онҳо аллакай 24 парвандаи ҷиноятӣ ба суд фиристода шудааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






