Таъсиси беш аз 1000 ҷои кор аз ҷониби МОИ

Душанбе, 29.07.2015. (АМИТ «Ховар», Ситораи Боймурод).-Дар шаш моҳи соли равон аз ҷониби минтақаҳои озоди иқтисодии кишвар беш аз ҳазор ҷои корӣ таъсис гардид, ки ин шаҳодати фаъолияти хуб ба роҳ мондани МОИ дар минтақаҳо мебошад. 
Тавре ки вазири рушди иқтисод ва савдои кишвар Неъматулло Ҳикматуллозода имрӯз, 29-уми июл дар ҷамъбасти нимсолаи фаъолияти вазорат гуфт, корҳо дар самти сохтмони иншооти инфрасохторӣ, такмили санадҳои меъёрии МОИ ва бақайдгирии субъектҳо идома ёфта, дар айни замон дар минтақаҳои озоди иқтисодӣ 60 субъект ба қайд гирифта шудааст. Ҳамчунин ӯ афзуд, ки  дар ин ҷода шумораи умумии ҷойҳои кории таъсисшуда 1028 ҷойро ташкил медиҳад.