«Тоҷикматлубот» дар маҳаллаи навбунёди Шуғнон фурӯшгоҳ месозад

Душанбе,  27.07.2015 (АМИТ «Ховар»).-Раёсати Иттифоқи «Тоҷикматлубот» мутобиқ ба дастуру супоришҳои Ҳукумати Ҷумҳурии Тоҷикистон барои ёрӣ ба зарардидагони офати табиии ноҳияи Шуғнони Вилояти Мухтори Кўҳистони Бадахшон қарори дахлдор қабул намуд.
Мувофиқи он барои сокинони осебдидаи деҳаҳои Барсем ва Бердикободи ноҳияи мазкур Иттифоқи «Тоҷикматлубот» 20 хаймаи будубош ба маблағи 65 ҳазор сомонӣ туҳфа намуд.
Ҳамчунин Иттифоқи «Тоҷикматлубот» бунёди як фурўшгоҳи замонавиро дар маҳаллаи аз нав бунёдшаванда барои сокинони деҳаҳои мазкур, ки дар минтақаи бехавф ба нақша гирифта шудааст, ба уҳда дорад.
Бинобар иттилои раиси Раёсати Иттифоқи «Тоҷикматлубот» Ҳ. С. Идиев сохтмони фурўшгоҳи мазкур дар маҳаллаи навбунёдшаванда оғоз ёфтааст.