«Тоҷиксуғурта»: 646 ҳазор сомонӣ кумак ба зарардидагони Рашту ВМКБ

Июль 31, 2015 10:18

Душанбе, 31.07.2015. (АМИТ «Ховар», Раъно Нусратуллозода).-Ба аҳолии зарардидаи ноҳияҳои Рашт, Ванҷ, Рӯшон ва Шуғнон  сарфи назар аз мавҷудияти шартномаҳои суғуртавӣ  аз тарафи Корхонаи воҳиди давлатии «Тоҷиксуғурта» ба маблағи 646 ҳазор сомонӣ кумаки саривақтӣ расонида шуд. Ин матлабро имрӯз зимни нишасти матбуотӣ директори генералии корхонаи мазкур Сатторӣ Аловуддин Мирзо ба хабарнигорон иттилоъ дод.
Роҳбари корхона гуфт, ки ба ҳар як хоҷагии молу амволашон пурра нобудшуда ба миқдори 4 ҳазор сомонӣ ва ба хоҷагиҳои қисман зарардида ба андозаи 2 ҳазор сомонӣ, дар маҷмӯъ ба ноҳияи Рашт ба маблағи  156 ҳазор сомонӣ, ба ноҳияи Ванҷ,  Рӯшон,  Шуғнони ВМКБ ба маблағи 490 ҳазор сомонӣ кумаки молиявӣ расонида шуд.
Инчунин дар нишаст гуфта шуд, ки аз маблағҳои ҳаққи суғуртавии дар нимсолаи аввали соли ҷорӣ воридшуда 63,3 фоиз ба намудҳои ҳатмии суғурта ва 36,7 фоиз ба намудҳои ихтиёрии суғурта мансуб мебошад. Аз маблағҳои ҳаққи суғуртавии воридгардида 6 миллиону 226 ҳазор сомонӣ ба 7 ҳазору 749 нафари молу амволашон нобуд ва ё вайронгардида, инчунин ба шаҳрвандони ба ҳаёту саломатиашон осебрасида ҳақгузорӣ карда шуд.

 

 

Июль 31, 2015 10:18

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд