Тотористон аз нигоҳи ҷалби сармоя аввал шуд

Душанбе,  22.07.15. (АМИТ «Ховар», Муқаддас  Темурзода). — Табиби мардумӣ  Муллозуҳур Тоҳирӣ  дар  ҳамоиши  умумирусиягии тиҷорати  хурду  миёнаи «Тотористон — такягоҳи тиҷорат», ки дар  Тотористон  баргузор  шуд,  иштирок  намуд. 
Дар  ҳамоиш  беш  аз 500  нафар  соҳибкорони  Тотористон  ва  минтақаҳои  дигари  Русия  ширкат  доштанд. 
Соҳибкорон  зимни  суханрониашон  аз вазъи  тиҷорат  дар  минтақаҳои  мухталифи  кишвар, таҷрибаи  ба  ниҳодҳои  дигар табдил  додани  корхонаҳояшон  ва самтҳои рушди тиҷорат  нақл  карданд. 
Ба  гуфтаи  вазири  иқтисоди  Тотористон  Артём  Здунов,  имсол  Тотористон аз  нигоҳи  ҷалби  сармоя  дар  байни  минтақаҳои  Русия  мақоми  аввалро  касб  намудааст.