Турсунзода: маркази ташхисӣ ва томографӣ ба истифода дода шуд

Турсунзода, 13.07.2015. (АМИТ «Ховар», Ҳотами Шариф).- То 1 июли соли ҷорӣ 17 ҳазору 280 тонна ғалла, 22 ҳазору 628 тонна сабзавот, 3 ҳазору 353 тонна картошка ҷамъоварӣ шудааст, иброз дошт имрӯз зимни нишасти хабарӣ иҷрокунандаи вазифаи раиси шаҳри Турсунзода Сиҷоуддин Саломзода. Ӯ афзуд, дар нимсолаи аввал дар шаҳри Турсунзода як ҳазору  678 ҷои нави корӣ таъсис ва барқарор шуд. Бо ташаббуси соҳибкорони маҳаллӣ бинои чорошёнаи даҳҳуҷрадор, бинои панҷошёнаи истиқоматии  понздаҳҳуҷарадор бо ҷойгир намудани маркази савдо ва хизматрасонӣ, бинои панҷошёнаи истиқоматии  26 ҳуҷрадор бо ҷойгир намудани маркази савдо ва хизматрасонӣ ва бинои маркази ташхисӣ ва томографӣ ба истифода дода шуд. Тибқи нақша дар нимсолаи дуюм низ як силсила биноҳои нав ба истифода дода хоҳанд шуд