У.Қурбонов: «Ба 30 ҳазору 993 бемор кумак расонида шуд»

Душанбе, 6.07.2015. (АМИТ «Ховар», Раъно Нусратуллозода).- «Фаъолияти ташхисию табобатӣ ва машваратию сарпарастиро кормандони донишгоҳ дар 38 кафедраи клиникӣ, Маркази таълимию клиникии «Стоматология», Маркази ташхисию табобатӣ таъмин менамоянд»,-зикр намуд ректори Донишгоҳи давлатии тиббии Тоҷикистон ба номи Абӯалӣ ибни Сино Убайдулло Қурбонов.
 Дар ин давра аз тарафи ҳайати омӯзгорону профессорони донишгоҳ ба 30 ҳазору 993 бемор кумаки табобатию машваратӣ расонида шудааст. Аз ҷумла, дар кафедраҳои соҳаи ҷарроҳӣ 6 ҳазору 390 амалиёти гуногунҳаҷм иҷро шудааст. Аз тарафи устодони варзидаи донишгоҳ аз тариқи авиатсияи санитарӣ ба беш аз 80 нафар дар шаҳру ноҳияҳои гуногуни ҷумҳурӣ кумаки машваратӣ расонида шуд.