Қуръакашии Ҷоми “Истиқлол” 1-уми август доир мешавад

Июль 31, 2015 12:43

Душанбе,31.07.2015(АМИТ «Ховар», Меҳрони Қурбон )-,Мусобиқа барои дарёфти Ҷоми клуби футболи “Истиқлол”-и пойтахт, ки барои бори сеюм бахшида ба Рӯзи Истиқлолияти Тоҷикистон баргузор мегардад, рӯзи 8 август оғоз хоҳад шуд.
Бояд зикр кард, ки  барои иштирок дар Ҷоми навбатии Клуби футболи “Истиқлол” дастаҳои футболи хурди вазоратҳо, сохторҳои қудратӣ, корхонаву муаассисаҳо, бонкҳо, сафоратхонаву намояндагиҳои даватҳои хориҷии дар ҷумҳурӣ мустақаршуда ва инчунин дигар идораҳо роҳ дода мешаванд. Аъзоҳақӣ барои ширкат дар мусобиқа 3000 (се ҳазор) сомонӣ муқаррар шудаст. Дар мусобиқа бозингарони синнашон аз 24  боло ҳуқуқи иштирок карданро доранд. Бозингарони дастаҳои лигаҳои оливу якум ва ҳайатҳои ҷавонони дастаҳои лигаи олии Тоҷикистон ба мусобиқа роҳ дода намешаванд.
Бояд  гуфт, ки  бозиҳои ин мусобиқа дар майдончаҳои футболбозии чаманашон маснӯии Варзишгоҳи марказии ҷумҳуриявӣ доир мешаванд. Дар айни замон 20 даста иштироки худро дар Ҷоми КФ “Истиқлол” тасдиқ кардааст ва дастаҳое, ки хоҳиши иштирок кардан дар ин мусобиқаро доранд, метавонанд бо онҳо пайваст шаванд.
Ёдовар  мешавем, ки  мукофотпулии Ҷоми имсолаи Клуби футболи “Истиқлол” 70 000 (ҳафтод ҳазор) сомониро ташкил медиҳад. Дастаи ғолиб бо Ҷом ва мукофотпулӣ дар ҳаҷми 40 000 (чил ҳазор) сомонӣ, дастаи финалист ба маблағ дар ҳаҷми 20 000 (бист ҳазор) сомонӣ ва барандаи медалҳои биринҷӣ бо маблағ дар ҳаҷми 10 000 (даҳ ҳазор) сомонӣ мукофотонида мешаванд. Роҳбарони дастаҳои ҷоизадор ва бозингарони беҳтарин ҳам бо ифтихорномаҳо ва мукофотҳои молӣ сарфароз гардонида мешаванд.
Хотиррасон  менамоем, ки  қуръакашии Ҷоми Клуби футболи “Истиқлол” оид ба футболи хурд 1 август, соати 11.00 дар маҷлисгоҳи Федератсияи футболи Тоҷикистон баргузор  мегардад. 

 

Июль 31, 2015 12:43

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд