Вазорати адлия бақайдгирии 59 санади меъёрии ҳуқуқиро рад кард

Душанбе, 23.07.2015. (АМИТ «Ховар», Ситораи Боймурод).- Дар шаш моҳи соли 2015 ба Вазорати адлияи Ҷумҳурии Тоҷикистон ва сохторҳои он 37 ҳазору 547  мавод вобаста ба масъалаҳои ҳуқуқӣ ворид гардид.
Вазорати адлияи Ҷумҳурии Тоҷикистон дар самти фаъолияти ҳуқуқ эҷодкунӣ дар шашмоҳаи аввал ба 1 028 лоиҳаи санадҳои меъёрии ҳуқуқӣ ва 1 221 ҳуҷҷати дорои хусусиятҳои ҳуқуқии байналмилалӣ хулосаи ҳуқуқӣ пешниҳод намуд. Дар ин бора дирӯз, 22 июл зимни нишасти матбуотӣ ба хабарнигорон иттилоъ дода шуд.
Гуфта мешавад, ки вазорат 23 санади меъёрии ҳуқуқии ҳатмии мақомоти давлатиро ба қайди давлатӣ гирифта, бақайдгирии 59 санади меъёрии ҳуқуқиро рад кард.