ВКД: Мусодираи беш аз 2,5 тонна маводи нашъадор

Душанбе, 25.07.2015 (АМИТ «Ховар», Лайло Тоирӣ),-  Аз гардиши ғайриқонунии маводи нашъадор 2 тоннаву 666 (2014-3287) кг маводи нашъаовар мусодира карда шудааст, ки аз ин миқдор 1 тоннаву 377 (2014-1561) кг ё 51,6 фоизро кормандони мақомоти корҳои дохилӣ дарёфт ва мусодира намудаанд. Ин нуктаро имрӯз зимни нишасти матбуотӣ вазири  корҳои дохилӣ Раҳимзода Рамазон Ҳамроҳ ироа намуд. 
Бино ба гуфтаи вазир, дар ин давра 19 нафар дар содир намудани 17 ҷиноят дар самти қочоқи металлҳо ва сангҳои қимматбаҳо дастгир гардида, аз онҳо ба миқдори 332 грамм металли қимматбаҳои тилло бо арзиши беш аз 63 ҳазор сомонӣ ва 194 грамм санги қиматбаҳои ёқути сурх бо арзиши 68 ҳазору 816 сомонӣ мусодира шудааст.