Афғонистон: Шумораи кушташудагони Толибон ба 94 нафар расид

Душанбе, 12.08.2015. (АМИТ «Ховар»). — Бино ба гузориши Вазорати мудофиаи миллии Афғонистон, 94 ҷангии Толибон, аз ҷумла се фармондеҳ дар натиҷаи амалиёти поксозӣ дар сар то сари ин кишвар кушта шудаанд.
Дар натиҷаи амалиёти поксозии музофотҳои Форёб, Қундуз, Сари-Пул, Кунар, Кобул, Бодғис, Зобул, Урузғон, Ғазнӣ, Қандаҳор ва Ҳилманд 94 ҷангии Толибон, аз ҷумла 3 қумандон безарар гардонида шданд.
Дар амалиёт, 100 ҷангии Толибон  ҷароҳат бардошта, 22 тани дигар боздошт гардид.
Миқдори зиёди силоҳ ва лавозимоти ҷангӣ мусодира гардида, 12 минаи зидди воситаи нақлиёт пайдо ва безарар карда шуд.
Ёдовар мешавем, ки субҳи имрӯз аз кушта шудани 52 ҷангии Толибон дар 9 музофоти ин кишвар хабар дода буданд.