Ғалабаи “Саройкамар” бар “Хайр”-и Ваҳдат

Душанбе, 06.08.2015(АМИТ «Ховар», Меҳрони  Курбон)-.Тоҳир Муминов, Сармураббии дастаи “Хайр”-и Ваҳдат баъди мағлубияти ин тим аз “Саройкамар”-и Панҷ аз вазифа сабукдуш шудааст. 
Ёдовар  мешавем, ки  дар  бозиҳои ҷавобии даври ҳаштякниҳоии Ҷоми Тоҷикистон  дастаи  “Хайр” аз дастаи “Саройкамар”-и  Панҷ бо ҳисоби 0:2 шикаст хӯрд. Бино ба иттилои Федератсияи футболи Тоҷикистон, баъди ин бохт президенти  дастаи “Хайр” — Қутбиддин Хайров сармураббиро аз мақом барканор кардааст. Оқои Хайров дар мағлубияти даста сармураббиро айбдор мекунад. “Ӯ натавонист дастаро ба бозии даври ҷавобӣ омода созад. Аз ҳамин лиҳоз қарор дар бораи барканории ӯро қабул кардам”. 
Ба  гуфтаи  президенти даста минбаъд масъулияти сармураббӣ бар души Исроил Идиев гузошта мешавад. Хотирасон менамоем, ки  дастаи “Хайр”-и Ваҳдат дар ҷадвали мусобиқоти Ҷоми Тоҷикистон бо 19 хол дар зинаи сеюм қарор гирифта, рӯзи  9 август дар даври 11-уми мусобиқот бо дастаи “Истиқлол” дар  варзишгоҳи   марказии  шаҳри  Душанбе вориди   рақобат  мешавад.