Ҷамъоварии ҳосили ғалладона
Душанбе, 27.08.2015 (АМИТ «Ховар»).- Тибқи маълумоти фаврии Раёсати растанипарварӣ соли ҷорӣ дар ҷумҳурӣ дар майдони 324194 гектар кишти зироатҳои ғалладона гузаронида шудааст, ки то 21 августи соли 2015 майдони 282432 гектари он даравида шудааст. Ҳосили умумии ғалладона миқдори 752537 тонна буда, нисба ба ҳамин давраи соли гузашта 84152,3 тонна зиёд мебошад. Ҳосилнокӣ аз ҳар гектар 27,1 сентнериро ташкил медиҳад.
Тавре дар ин бора аз Вазорати кишоварзӣ иттилоъ доданд, кишоварзони вилояти Хатлон имсол дар майдони 143337 гектар кишти ғалладона гузарониданд. Майдони 136683 гектари он куфта шудааст, ки нисбат ба ҳамин давраи соли гузашта 6470 гектар зиёд аст. Ҳосилнокӣ аз ҳар як гектар 33,6 сентнериро ташкил медиҳад, ки дар ҷумҳурӣ натиҷаи беҳтарин ба ҳисоб меравад.
Ба иттилои манбаъ, дар вилояти Суғд дар майдони 112765 гектар кишти ғалладона гузаронида шудааст ва майдони 91147 гектари он ҷамъоварӣ карда шудааст. Ҳосилнокӣ то 21 августи соли равон миқдори 161387 тоннаро ташкил дода, нисбат ба ҳамин давраи соли гузашта 53605 тонна зиёд мебошад.
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Имрӯз дар ноҳияҳои алоҳидаи Тоҷикистон чангу ғубор ба амал меояд
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
