Ҷавонон муарифгари ватан дар хориҷи кишваранд
Душанбе, 12.08.2015 (АМИТ «Ховар», Фарзонаи Давлат).-Имрӯз дар толори маҷлисгоҳи Донишкадаи идоракунии давлатии назди Президенти Ҷумҳурии Тоҷикистон бахшида ба Рўзи байналмилалии ҷавонон мулоқоти раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Аҳтам Абдуллозода бо донишҷӯёни тоҷик, ки дар хориҷи кишвар таҳсил мекунанд, доир гардид.
Дар чорабинӣ ҳамчунин, раиси Кумитаи кор бо занон ва оилаи назди Ҳукумати Тоҷикистон Махфират Хидирзода, муовини якуми Вазири меҳнат, муҳоҷират ва шуғли аҳолӣ Эмин Сангинзода, намояндагони Вазорати корҳои хориҷӣ, Вазорати маориф ва илми Ҷумҳурии Тоҷикистон, Директори «Маркази Барномаҳои байналмилалии назди Президент» ва меҳмонони хориҷӣ ширкат ва суханронӣ карданд.
Аҳтам Абдуллозода зимни суханронӣ таъкид дошт, ки мақсад аз баргузории чорабинӣ муттаҳид сохтани ҷавонони дар хориҷ таҳсилдошта вобаста ба пуштибонӣ ва таблиғи дастовардҳои воқеии кишвар дар роҳи бунёди ҷомеаи демократӣ, ҳуқуқбунёд, дунявӣ, инчунин ҳавасманд гардонидани донишҷўёни болаёқат барои хизмати шоён ба давлату миллати хеш мебошад. Номбурда изҳор дошт, ки дар айни замон дар хориҷи кишвар беш аз 12 ҳазор донишҷӯи тоҷик таҳсил менамоянд ва таъсиси Маҳфили ҷавонони дар хориҷи кишвар таҳсилдошта, барои дастгирию муаррифӣ ва ба ин васила ҳал кардани мушкилоти онҳо мусоидат менамояд.
Иштирокчиён аз дастгириҳои пайвастаи Ҳукумати Тоҷикистон ва Президенти мамлакат Эмомалӣ Раҳмон нисбат ба ҷавонон ёдовар гардида, таъкид намуданд, ки ҷавонон низ дар хориҷ аз кишвар бояд барои муаррифии шоистаи Тоҷикистон дар арсаи байналмилалӣ саҳми арзандаи худро гузоранд.
Дар мулоқот донишҷӯёни фаъоли тоҷик, ки дар донишгоҳҳои бонуфӯзи кишварҳои хориҷӣ таҳсил мекунанд, доир ба таҷриба ва шароиту мушкилоти таҳсил суханронӣ карданд.
Дар поёни мулоқот дар байни масъулин ва донишҷӯён, ки бештар аз 150 нафар буданд, суолу ҷавоб сурат гирифт.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






