Азнавсозии пули харобшуда дар Шуғнон

Шуғнон, 12.08.2015 (АМИТ «Ховар», Файзи Мирасан).-Пули мошингузари деҳаи Гожаки ҷамоати ба номи Ғарибшо Шаҳбозови ноҳияи Шуғнон, ки дар офатҳои табии рӯзҳои охир хароб гардида буд, дубора барқарор шуд.
Барои азнавсозии пули мазкур тамоми техникаву механизмҳо ва нерӯи кории  муассисаи нигаҳдории роҳҳои вилоят «Бадахшонроҳ» ба деҳоти аз офати табии осебдидаи навоҳии вилоят интиқол дода шуданд. Муассисаи роҳсозӣ сари вақт масолеҳи бинокориро таъмин намуда дар камтарин фурсат роҳро  боз намуданд.
Ёдрас мешавем, ки баъди ҷорӣ шудани сел ва масдуд гардидани  роҳҳо дар деҳаи Барсеми ин ноҳия ҳаракати нақлиёт ба самти Мурғоб- Кулма қатъ гардида, мошинҳо аз масира ҳаракат мекунанд, ки масофаи он нисбат ба роҳи Хоруғ- Мурғоб 100 километр бештар аст.