Аъзои хориҷии ДИИШ дастаҷамъӣ дафн мешаванд

Душанбе, 13.08.2015 (АМИТ «Ховар», Баҳманёр Маҳмудзода).- Аҳолии шаҳри Мавсил дар шимоли Ироқ як гӯри дастаҷамъии мутааллиқ ба аъзои ДИИШ-ро пайдо намуданд, ки дар он аъзои хориҷии ин гурӯҳ дафн шудаанд.
Ба гузориши хабаргузориҳои ироқӣ ин қабри дастаҷамъӣ субҳи рӯзи чаҳоршанбе аз тарафи як чӯпон дар ҷанубу ғарби Мавсил кашф шуд, аммо аъзои ДИИШ ин чӯпонро дарҳол зиндонӣ карданд. Ба гуфтаи чӯпон дар ин гӯр ҷасади беш аз 150 узви «Давлати исломӣ» дафн шуда, ки аксари онҳо хориҷиҳо ҳастанд. 
 Бояд гуфт, ки гӯри гурӯҳии дигари мутааллиқ ба ДИИШ  дар моҳи гузашта дар Мавсил кашф шуда буд, ки дар он ҷасади 72 тан аз террористҳои хориҷии узви ин гурӯҳ  дафн шудаанд.