Балҷувон: Самаранок истифода бурдани ёдгориҳои фарҳангиву таърихӣ
Душанбе, 27.08.2015 (АМИТ «Ховар»).- Бо ташаббуси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон дар ноҳияи Балҷувони вилояти Хатлон семинари омӯзишӣ дар мавзӯи “Самаранок истифода бурдани ёдгориҳои таърихиву фарҳангӣ, обҳои маъдании чашмаҳои шифобахш, мавзеъҳои кӯҳнавардӣ ва ба роҳ мондани хизматрасонии муосир дар ноҳияи Балҷувон” доир гардид, ки дар он ширкатҳои сайёҳӣ, кормандони сохторҳои маҳаллии Кумита ва коршиносони соҳа ширкат варзиданд.
Дар семинари омӯзишӣ иштирокчиён доир ба таҳия намудани хатсайрҳои нави сайёҳӣ, рушди саноати истеҳсоли армуғонҳо барои сайёҳон ва ҷалби сайёҳони дохилию хориҷи ба минтақа ибрози андеша карданд.
Дар фарҷоми семинар ширкаткунандагон намоишгоҳи ҳунарҳои мардумӣ ва мавзеъҳои сайёҳии ноҳия дидан намуданд.
Лозим ба ёдоварист, ки ноҳияи Балҷувон бо табиати зебою нотакрор ва мавзеъҳои сайёҳии худ диққати сайёҳони хориҷиро ҷалб карда, мувофиқи қарори Ҳукумати мамлакат мавзеи сайёҳӣ эълон шудааст.
Имрӯз дар доманакӯҳҳои Тоҷикистон ҳаво то 37 дараҷа гарм мешавад
Имрӯз дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
