Баррасии ҳамкориҳо дар самти рушди маҳал
Душанбе, 17.08.2015 (АМИТ «Ховар», Фарзонаи Давлат).- Дар доираи чорабиниҳои Лоиҳаи ислоҳоти идоракунии давлатӣ ва таҳкими сохтори институтсионалӣ мулоқоти Қосим Роҳбар, раиси Кумитаи рушди маҳалли назди Президенти Ҷумҳурии Тоҷикистон бо профессор Арно Алманн, Мушовири байналмилалии Барномаи Рушди Созмони Милали Муттаҳид ва гурӯҳи мушовирони маҳаллӣ баргузор гардид.
Дар ҷараёни мулоқот профессор Арно Алманн ҳадафи ташрифи худро вобаста ба татбиқи муқаррароти Консепсияи идоракунии рушди маҳал барои давраи то соли 2030 баён намуда, барои раҳнамоӣ ҷиҳати таҳияи нақшаи чорабиниҳо маслиҳат пурсид.
Дар ин робита, Қосим Роҳбар иброз дошт, ки барои таъмини иҷрои муқаррароти Консепсия дар назди Кумитаи рушди маҳал аз ҳисоби мутахассисони варзида гурӯҳҳои корӣ таъсис дода шуда, ҳамоҳангсозии байни гурӯҳи мушовирон ва ин гурӯҳҳо барои ноил гаштан ба ҳадафҳои муайяншуда зарур аст. Аз ин лиҳоз, тасмим шуд, ки нақшаи амали муштарак таҳия ва тасдиқ гардад.
Дар охир ҷонибҳо ба мувофиқа расиданд, ки барои таъмини сифати чорабиниҳо механизми муассири ҳамоҳангсозии фаъолияти гурӯҳҳои корӣ бо мушовирони БРСММ роҳандозӣ шавад ва корҳои пешбинишуда саривақт таъмин гарданд.
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
