Баррасии фаъолияти хадамоти «Интерпол»-и Тоҷикистону Эрон

Душанбе, 05.08.2015. (АМИТ «Ховар», Фарзонаи Давлат).- 05-уми августи соли равон намояндагони Ҷумҳурии Исломии Эрон аз Бюрои Марказии Миллии  «Интерпол»-и Вазорати корҳои дохилӣ дидан намуданд.
Ҳамчунин меҳмонон баъди боздид бо сардори Бюрои Марказии Миллии «Интерпол» -и Тоҷикистон вобаста ба фаъолияти хадамотҳои «Интерпол»-и Тоҷикистону Эрон вохӯрӣ анҷом доданд.
Бино ба иттилои Вазорати корҳои дохилии кишвар, дар мулоқот ҷонибҳо масъалаҳои марбут ба мубориза алайҳи ҷинояткорӣ, роҳҳои пешгирии амалҳои ҷинояткорона ва дар ин самт ба роҳ мондани ҳамкориҳои мутақобилан судманди дуҷониба миёни хадамотҳои дахлдори ду кишвар, мубодилаи таҷриба ва дигар мавзӯҳои мавриди таваҷҷӯҳ таҳти баррасӣ қарор дода шуданд.
Пас аз вохӯрӣ, ҳайати намояндагони Ҷумҳурии Исломии Эрон аз  утоқҳои  кории кормандони БММ «Интерпол»-и Тоҷикистон дидан намуда, бо шароити кории кормандони ин ниҳод шиносоӣ пайдо намуданд.