Беш аз 169 ҳазор сомонӣ барои обтаъминкунии сокинони ноҳияи Файзобод

Душанбе, 27.08.2015 (АМИТ «Ховар»).-Корхонаи воҳиди «Хоҷагии манзилию коммунали»-и ноҳияи Файзобод соли ҷорӣ ба маблағи 169,6 ҳазор сомонӣ корҳои хизматрасониро  иҷро кард, ки 88 фоизи нақшаро ташкил медиҳад. 
Таъмини ноҳия бо оби нӯшокӣ  ба 360 ҳазор метри кубӣ  расонида шуд. Назар ба давраи соли гузашта истифодаи об аз ҷониби аҳолӣ ба маблағи 1,6 ҳазор сомонӣ зиёд мебошад. Роҳбари корхонаи  воҳиди «Хоҷагии манзилию коммунали»-и ноҳияи Файзобод Музафар Розиқов арз дошт, ки  дар ду моҳи соли ҷорӣ яке аз ду лӯлаи обгузари оби Ҳафтчашма,  ки мудати 10 соли охир аз кор баромада буд, ба пуррагӣ таъмир шуда, оби нӯшокии ноҳия 30 фоиз афзун гашт.