Беш аз 500 ташхис аз ҷониби озмоишгоҳи бактериологии шаҳри Роғун

Душанбе, 26.08.2015 (АМИТ «Ховар», Субҳониддини Маҳмуд).- Дар шаҳри Роғун аз тарафи Маркази назорати давлатии санитарию эпидемиологӣ дар соли ҷорӣ 1403 бемории сирояткунанда ба қайд гирифта шуда, аз тарафи озмоишгоҳи бактериологӣ 546 ташхис гузаронида шудааст.
Бо ташаббуси марказ дар давраи ҳисоботӣ 185 маротиба назорати санитарӣ дар ташкилоту муассисаҳо гузаронида шуд. Дар ин асос нисбат ба 42 нафар протокол дар хусуси қонунвайронкунӣ тартиб дода шуда, 42 нафар ба маблағи 5600 сомонӣ ҷарима шуданд.
Дар ин давра аз мағозаҳои шаҳр 114 кг маводи хӯроквории муҳлати истифодабариашон гузашта аз фурўш гирифта шуд, ки маблағи 2504 сомониро ташкил медиҳанд.