Беш аз 52 млн сомонӣ барои корҳои сохтмонӣ дар Ёвон

Душанбе, 26.08.2015 (АМИТ «Ховар», Субҳониддини Маҳмуд).-Сохтмончиёни ноҳияи Ёвон дар нимсолаи аввали соли ҷорӣ ба маблағи 52 млн 343,3 ҳазор сомонӣ корҳои сохтмонию васлгариро ба анҷом расонидаанд. Дар ин муддат сохтмони 14 адад иншооти хизматрасониву маишӣ, тандурустӣ, фароғатӣ, маданӣ, хонаҳои баландошёнаи истиқоматӣ,маркази муоинаи техникӣ ва ғайраҳо мавриди истифода қарор гирифта, дар даҳҳо иншооти дигар корҳои сохтмонӣ босуръат идома доранд. Ёдрас мешавем, ки дар корхонаи сохташавандаи истеҳсоли гаҷкартони ҶДММ «Хаучиан Ғаюр Индостриал» корҳои сохтмонӣ мувофиқи матлаб ба роҳ монда шуда, то ин ҷониб таҷизоти истеҳсолӣ пурра ба корхона ворид карда шуда, корҳои сохтмонӣ дар арафаи анҷомёбист. Ҳоло дар корхона 165 нафар коргарон фаъолият доранд, ки 90 нафари онҳо командони маҳаллӣ ва 75 нафари дигараш чиниҳо мебошанд.