“Бешаи палангон”- мавзеи беназир

Душанбе, 21.08.2019 (АМИТ «Ховар», Ҳотами Шариф).-Ёдгории таърихии «Бешаи палангон» зери назорати Ҳукумати Ҷумҳурии Тоҷикистон қарор дошта, на танҳо аҳамияти ҷумҳуриявӣ, балки  аҳамияти ҷаҳонӣ дорад. Мамнўъгоҳи мазкур дар солҳои 40-50-уми асри гузашта бунёд ёфта буд. Дар ҳудуди мамнўъгоҳ, ки зиёда аз 48 ҳазор гектарро ташкил медиҳад, намудҳои нодири наботот, ҳайвонот, паррандагон мавҷуд буда, онҳо таҳти назорати доимӣ қарор доранд. Аксари ҳайвоноту наботот ва паррандагони ин мавзеъ ба Китоби Сурх дохил шудаанд. Дар шафати Мамнўъгоҳ  Осорхона таъсис дода шудааст. Дар ҳудуди Мамнўъгоҳи «Бешаи палангон» оромгоҳ низ аст, ки аҳамияти таърихӣ дорад.Оромгоҳи мазкур дар масоҳати 6 гектар буда,  ба таври махсус муҳофизат мешавад.