Бо оби тоза таъмин гардидани қисми низомии 3502
Душанбе, 19.08.2015 (АМИТ «Ховар»).-Имрӯз вазири корҳои дохилӣ Рамазон Раҳимзода ба қисми низомии 3502-и Раёсати қӯшунҳои дохилии Вазорати корҳои дохилӣ ташриф оварда, дар маросими кушодани лӯлаи об иштирок намуд.
Лӯлаи об аз дарёчаи Харангон дар масофаи 9 километр кашида шуда, қисми низомиро пурра бо оби нӯшокӣ таъмин месозад.
Зимни боздид, вазири корҳои дохилӣ бо ҳайати шахсии қисми низомии 3502 вохӯрӣ анҷом дода, бо рӯзгори сарбозону афсарони ин қисми низомӣ шинос шуд.
Дар рафти шиносоӣ Рамазон Раҳимзода аз натиҷаи кори хоҷагидории қисми низомӣ, ки баъди кашидани хати лӯлаи об дар як муддати кутоҳ хеле ривоҷу равнақ ёфтааст, барои боз ҳам ободу зебо гардонидани гирду атрофи қисми низомии 3502 ба масъулини соҳа дастуру супоришҳои иловагӣ дода зикр кард, ки бо назардошти иқтидори лӯлаи оби худҷоришаванда, заминҳои бекорхобида обёрӣ гардида, аз ҳисоби он заминҳои корам васеъ карда шаванд.
Ҳангоми боздиди вазири корҳои дохилӣ, дар майдони сафороии қисми низомӣ сарбозону афсарони қисми мазкур бо марши низомӣ гузаштанд.
Дар охир, бо фармони вазир барои хизмати софдилонаю содиқона ба Ватан, иҷрои сарбаландонаи вазифаҳои дардӯшдошта як қатор сарбозони қисми низомии мазкур бо «Раҳматнома» ва тӯҳфаҳои хотиравӣ қадрдонӣ шуданд.
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
