Чойхонаи бесутун дар Ҳисор

Ҳисор, 10.08.2015 (АМИТ «Ховар» Ҳотами Шариф)- Бахшида ба ҷашни 3 000 -солагии Ҳисор чойхонаи миллӣ дар шакли «Харбуза» эъмор мегардад. Ин чойхона бо тарҳи меъморӣ ва бузургиаш дар Осиёи Марказӣ назир надорад. Шакли дохилиаш 85 метр дарозӣ, 45 метр бар ва 33 метр баландӣ дорад. Аҷиб ин аст ки ошёнаи дуюм- бо ин қадар масоҳат ягон  сутун надорад.
    Дар ошёнаи аввали ин бино 2500 ва дар ошёнаи дуюмаш 3 000 нафар метавонанд,  дар як вақт чой нӯшанд ва хӯрок тановул намоянд. Дар оянда дар гирду атрофи чойхонаи «Харбуза» дар масоҳати 22 гектар боғи фарҳангию  фароғатӣ бунёд хоҳад гашт.