Чорабинии зидди нашъамандӣ миёни наврасон

Август 17, 2015 06:38

Душанбе,  17.08.2015 (АМИТ «Ховар», Рафоати Абдулҳамид).-Бо ташаббуси Раёсати минтақавии Агентии назорати маводи нашъаовари назди Президенти  Ҷумҳурии Тоҷикистон дар вилояти Суғд дар ҳамбастӣ бо Хадамоти прокуратураи Ҷумҳурии Корея дар истироҳатгоҳи солимгардонии кӯдакон, наврасон ва ҷавонони ба номи «20-солагии Истиқлолияти Ҷумҳурии Тоҷикистон» дар ноҳияи Ҷаббор Расулов чорабинии фарҳангӣ- фароғатӣ ва варзишии зидди нашъамандӣ доир карда шуд. 
Макони баргузории чорабинӣ бо шиорҳои «Зиндагӣ бе маводи нашъаовар ширин аст», «Нашъамандӣ заволи умр» ва «Дунёи бе маводи мухаддир доштан» ороста шуд. Баъдан дар байни ҷавонону наврасон озмуни расми беҳтарин дар мавзӯи «Нашъамандӣ ва роҳҳои мубориза бо он» гузаронида шуд, ки иштирокдорони  озмун дар расмҳои иншокардаашон маърифат ва тахайюлоти худро дар мавриди бемории нашъамандӣ ва оқибатҳои он таҷассум карданд. 
Дар чорабинӣ ҳамчунин байни истироҳаткунандагон дар навъҳои мухталифи варзиш, аз ҷумлаи вазнбардорӣ, дастхобонӣ, намудҳои миллии «китфҷанг» ва «куштӣ» гузаронида шуд. 
Дар чорабинии мазкур  зиёда аз 150 нафар ҷавонону наврасоне, ки аз ноҳияҳои офатзадаи вилояти Бадахшон ва минтақаи Рашт бо дастгирии Ҳукумати Ҷумҳурии Тоҷикистон дар истироҳатгоҳ фаро гирифта шудаанд, иштирок доштанд.
Дар анҷом ба онҳое, ки дар озмуни расмкашӣ ва мусобиқаҳои варзишӣ ба мақомҳои сазовор комёб шуданд, тӯҳфаҳои арзанда эҳдо карда шуда.

 

Август 17, 2015 06:38

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд